[主頁] [睇樓] [家事百科] [羅力威] [蘇GOOD] [化妝美容] [中英文兒歌] [產前產後] [奶奶趣聞] [Flashcards] [開心大發現] [食譜] [馬爾代夫] [旅遊飲食] [必睇] [最新]
[產前產後] [生活] [惡搞] [兩岸國際] [親子] [時事專輯] [時事] [娛樂節目] [娛樂] [食譜] [兒歌] [網熱]

[娛樂] 吳鎮宇獲准保釋

吳鎮宇被捕六小時後保釋 「冇同佢衝突 現場有錄影帶」


涉嫌傷人被捕的吳鎮宇,昨晨獲准保釋離開九龍城警署,由一名男子駕車接走。


發生衝突傷人事件的法式餅屋,昨日生意未受影響。


[蘋果日報] 金馬影帝吳鎮宇前晚在九龍城一間餅店護妻毆打一名男子,因事主報稱被人叉頸及掌摑,致左耳流血,吳鎮宇在涉嫌襲擊罪被捕後,警方將案件改列罪名較重的傷人案。吳鎮宇在警署錄取 6小時口供後昨晨獲保釋外出。他昨接受訪問不欲多談,只強調:「自己冇同佢發生衝突,現場有錄影帶(閉路電視)睇番 o架。」 記者:戴彩煥、黎志偉

報稱被吳鎮宇打傷的 29歲男子姓明,左耳因血管撕裂流血,吳鎮宇的 39歲妻子王麗萍混亂中跣倒不適,送院檢驗發現有發燒但已出院。 48歲的吳鎮宇是於前晚 7時許駕車載同妻子、菲傭及 1歲大兒子,到九龍城福佬村道 15號一間以售賣法式麪包及蛋糕馳名的餅店買麪包。吳將車泊於餅店外留守車內,其妻落車入店。
吳妻步入餅店後,發現女店員在掃地。吳妻不滿揚起灰塵,叫店員不要掃地。一對正在店內買麪包的夫婦聽到後,有人道:「使唔使咁大聲呀。」有人又叫吳妻:「唔好㩒啲麪包,咁樣㩒法,仲有人買?」雙方爭執,吳妻稱被人粗言相向,打算報警。

涉叉頸掌摑打爆耳
在車上等候的吳鎮宇發現妻子與人爭執,立即下車衝入店,與正欲離去的姓明男子相遇,明報稱被人用手叉頸及掌摑臉部致左耳受傷,明妻報警。混亂中,吳妻跣倒,明與吳妻送院治療。吳鎮宇涉嫌傷人被警方拘捕帶署,至昨凌晨 1時許獲准保釋,由一名男子駕車接返清水灣君爵堡寓所。吳離開警署時只微笑揮手,無回應記者提問。
記者事後致電吳鎮宇了解事件,他不欲多講,只說只是盡力保護家人。由於姓明男子不停向其妻子粗言穢語,其妻要報警,有人想走,他只是想阻止對方離開。吳說:「落車見到老婆係咁俾人用粗口鬧,跟住有人衝出嚟想走,我梗係阻止佢,推番佢入去。」
「回想自己有乜做錯?」吳鎮宇說:「如果有人係咁用粗口鬧你,話:『 X你 XX,咪報警囉。』係咪乜都唔理先?嗰個係自己老婆,梗係緊張 o架啦。麪包店有幾污糟啫?使乜係咁掃到周圍灰塵?係,可能係語氣上有啲問題,但問題係嗰兩個人(涉案夫婦)點解要加入先?嗰個人用粗口係咁鬧我老婆,鬧到佢(妻子王麗萍)暈,我係咪乜都唔理?」
踏入新一年便遇上不快事,可感到無奈?吳說:「唔係無奈,係自己冇辦法避免。係咪有人叫救命,見到有人衝出嚟都唔可以制止佢?我只係做番一個正常人合理嘅嘢啫。」問可擔心形象受影響?吳語帶無奈說:「做藝人係咁 o架啦,我哋係弱勢社群。藝人有知名度,人哋點樣都搵到你,有乜嘢事發生,無論你係啱定錯,都會受到影響。」餅店拒絕回應事件,只謂:「唔關公司事,只係喺公司發生,亦唔關同事嘅事,其他嘢唔清楚。」



No comments: