[主頁] [睇樓] [家事百科] [羅力威] [蘇GOOD] [化妝美容] [中英文兒歌] [產前產後] [奶奶趣聞] [Flashcards] [開心大發現] [食譜] [馬爾代夫] [旅遊飲食] [必睇] [最新]
[產前產後] [生活] [惡搞] [兩岸國際] [親子] [時事專輯] [時事] [娛樂節目] [娛樂] [食譜] [兒歌] [網熱]

[政治] 白姐姐打狗棒, 誓打癲狗傻狗

隔牆有耳:白姐姐選唔選講條件 2010年03月24日




[轉載/蘋果日報] 揚言追擊黃毓民嘅白姐姐,噚日終於踏出參選第一步,高舉「打倒黃賭毒」紙牌同一支「打狗棒」去選舉事務處攞報名表,白姐姐有姿勢,唔知有幾實際啫。自由黨、民建聯同肥媽等人,據講喺阿爺威迫利誘下統統唔參選,八方問白姐姐會否打退堂鼓,佢初時恥笑人哋質素差,誓言一定去馬,後來可能覺得講得太盡冇彎轉,開個價兜番,「有可能(唔選),如果有得交換,例如畀個旅發局主席我做,我咪去做囉,又或者係威威嗰啲(職位),咁我咪去做,唔選嘞。」

補鑊話只係講笑
每個人都有個價,難得白姐姐明碼實價,睇中旅發局主席個位,想同代表旅遊界嘅男友謝偉俊拍住上,肥水不流別人「田」吖嘛!唔知係咪擔心叫價太高,白姐姐隨即補鑊,「我頭先係講笑」,忽然扮鵪鶉稱自己係 nobody,相信中方「唔會當我係一回事」,至於謝偉俊對佢參選有乜意見,白姐姐話唔知謝偉俊撐唔撐自己,「佢唔會反對我選舉,因為佢反對都係冇用。」話雖如此,八方噚日見到謝偉俊助理全程幫白姐姐拍片,仲好似記者咁問問題。
唔止有法律超人暗撐,白姐姐又透露陶傑會畀橋佢挑戰毓民,外傳英皇楊老闆都有發功,白姐姐表示「會打電話問吓楊生係咪撐我。」至於詹培忠就免嘞,「佢成日都話凡女人都係雞,呢樣嘢唔係好啱傾。」
提議增功能組別

白姐姐稱噚日已喺旺角攞到幾十個市民提名,好有信心勝出,強調參選係要扭轉掟嘢歪風,因為毓民成日喺立法會掟嘢,搞到旺角、銅鑼灣都有人掟玻璃樽同鏹水彈,所以佢要出馬撥亂反正,同時向毓民發出「最後通牒」,限時毓民 48小時內報名,否則佢唔打癲狗,轉打儍狗,即係梁家傑。
好多市民想廢除功能組別,白姐姐卻反其道而行,政綱建議新增五個功能組別,包括主婦、職業婦女、 55歲以上耆英、殘疾人士同埋 80後,如果今次選搞笑程度,白姐姐, you win。
pf_lee@appledaily.com

1 comment:

Anonymous said...

原來這老鸡也是共產黨