[主頁] [睇樓] [家事百科] [羅力威] [蘇GOOD] [化妝美容] [中英文兒歌] [產前產後] [奶奶趣聞] [Flashcards] [開心大發現] [食譜] [馬爾代夫] [旅遊飲食] [必睇] [最新]
[產前產後] [生活] [惡搞] [兩岸國際] [親子] [時事專輯] [時事] [娛樂節目] [娛樂] [食譜] [兒歌] [網熱]

[娛樂] 港女星嗒犀利哥糖

周秀娜:好鍾意佢  Kelly:好有型 港女星嗒犀利哥糖 2010年03月06日


[轉載/蘋果日報] 寧波丐幫 Yohji犀利哥(原名程國榮)的丐世旋風,由大中華瘋捲日本及英國等地,他從流落街頭到昨日與家人重逢,創造傳奇一刻,加上其憂鬱的眼神、欷歔的鬚根、手上的煙蒂,還有無限創意的層層叠 mix& match,均徹底迷醉全城。性感女神周秀娜一提犀利哥即大叫:「好鬼死型,好鍾意佢!」天后陳慧琳( Kelly)也讚犀利哥有型,型人何韻詩發乎情:「叫親國榮都靚仔啲。」容祖兒堅稱唔介意做丐幫嫂,玉女鄧麗欣也讚嘆濃郁丐味有浪子 feel。獲靚女推崇,犀利哥確係犀飛利!



周秀娜:佢好鬼死型
周秀娜目前身在日本準備今日行花生騷,她昨日提起犀利哥時,透過越洋電話千里傳音,勁讚:「佢好鬼死型!好鍾意佢!」原來她最初被朋友推介犀利哥這位網上紅人如何具日系 style時,還以為朋友老點,其後上網看過犀利哥的照片後,即時驚為天人,她說:「難以置信啲衫係執番嚟,睇完好讚嘆,睇完頭一、兩張之後,唔知點解唔捨得,覺得唔夠喉,有冇第三張、第四張呀?好失落,佢唔做 model簡直嘥晒,行天橋都得,佢有不經意嘅瀟灑。」
娜姐又直言想見犀利哥,她笑說:「都想見到 o架,我喺網上睇到話佢精神有問題,希望有人可以幫到佢。」

Kelly:日日追睇佢
年前懷孕期間都堅持要靚、着衫近乎永冇失拖的潮媽陳慧琳,昨日對犀利哥的衣着品味讚不絕口,她在電話中說:「我每日都睇犀利哥嘅新聞,佢好有 mix& match嘅 sense,着衫好多配搭,唔同類型配搭出嚟都好好睇,好有型,好有 style。如果佢有機會行 catwalk,可能都好有台型,我自己都想睇吓。」

容祖兒:願當犀利嫂
容祖兒日前獲一名男子致電到其唱片公司徵婚,前晚她現身土瓜灣時,提到若徵婚對象是熱爆全城的犀利哥便好,她說:「我有咁嘅福份都唔介意,唔可以話完全關門,凡事有可能及轉機,我覺得犀利哥幾不羈,不過幾靚都不外如是,都要睇相處,但好似犀利哥就唔同,佢咁犀利。」
犀利哥是否不需輪籌就能埋祖兒身?她即說:「好,佢邊使籌呀!」
問祖兒會否向公司推薦犀利哥做明星時,她即搞笑說:「好暈,有冇白花油呀?我相信幫犀利哥啲人係善意,唔好嚇親人,尊重佢嘅意願,唔好搞亂佢嘅生活。」

Stephy:好潮好浪子
鄧麗欣( Stephy)從報章上看過犀利哥的報道後,反應也是連綿不絕的稱讚,她昨日在電話中說:「乞兒咁靚仔嘅?仲以為電影海報㖭,佢好潮,好浪子,個形象幫咗佢,電影都可以抄吓。」講到犀利哥被形容似足日本型男, Stephy也舉腳贊成,她說:「佢係似日本仔喎,個頭似日本髮型,幾型呀,同埋佢嘅配搭都似。」對於犀利哥身世之謎, Stephy坦言好奇,她說:「唔知佢因為乜嘢原因淪落到咁樣,佢可能本身係個 designer或者藝術工作者,就算淪落到咁嘅地步都咁有型。」

何韻詩:叫親國榮都靚仔
屬潮人一族的何韻詩對鼎鼎大名的犀利哥也有所聞,她昨日在電話中說:「我知有犀利哥呢個人,張相睇落都幾靚仔,叫親國榮嘅都靚仔啲。」犀利哥被熱捧着衫有 taste,阿詩也認同說:「都 OK o架!我有睇關於佢嘅報道,有啲話佢俾女飛先失常,但咁靚仔咁就精神失常真係好可惜,希望佢搵到家人之後可以回復正常,過番正常人嘅生活。」

熱爆網:惡搞犀利哥
「丐世豪俠」犀利哥叼煙氣派出類拔萃,更成為改圖萬能 key,網民藉此發揮無限創意,大肆惡搞。

變身裸模


殺入赤壁


主席接見


飛越藍星

2 comments:

Anonymous said...

有冇人可將犀利哥的型look片段,配上王傑的《誰明浪子心》,post上網分享呢?

香港人 said...

[娛樂] 犀利哥 - 誰明浪子心 (王傑)