[主頁] [睇樓] [家事百科] [羅力威] [蘇GOOD] [化妝美容] [中英文兒歌] [產前產後] [奶奶趣聞] [Flashcards] [開心大發現] [食譜] [馬爾代夫] [旅遊飲食] [必睇] [最新]
[產前產後] [生活] [惡搞] [兩岸國際] [親子] [時事專輯] [時事] [娛樂節目] [娛樂] [食譜] [兒歌] [網熱]

[娛樂] 肥媽 陳潔靈 葉麗儀 扮 o靚模

與肥媽、葉麗儀開騷扮 o靚模 陳潔靈自嘲遲暮貨不對辦
2009年10月22日


肥媽、葉麗儀和陳潔靈前晚在紅館舉行演唱會,除了大唱經典金曲外,更分享她們的愛情觀。她們又播了一張葉麗儀年輕時黑白照,陳潔靈笑說:「 o靚模有嘅以前都有,只不過係經過時間問題先貨不對辦。」

擺港女自拍甫士

葉麗儀則指有人喜歡攬枕,似乎影射周秀娜。肥媽續說:「我夠好攬啦, o靚模有嘅嘢我由細到大都有,仲要係真材實料。」此時現場播了一張葉麗儀年輕時的黑白照,陳潔靈說:「 o靚模有嘅長頭髮、大眼瓜子口面,呢啲條件以前都有,只不過係經過時間問題先貨不對辦。」三人更示範 o靚模十式,大擺時下港女的自拍甫士,引得全場觀眾哈哈大笑。
三人其後分享自己的經歷,早前受到喪夫之痛的陳潔靈提及自己對愛情的看法,她說:「我 17歲開始好需要愛情,我曾經覺得緊要過事業、朋友甚至家人,我唔信激情會因為年齡而改變,我諗 5、 60歲時都會好激情。我亦都好鍾意凄美嘅愛情故事,我至今仍然覺得到 7、 80歲,我都會同感情角力、會愛得燦爛。」

肥媽則稱演唱會門票十分搶手,有人曾出價 4,000元買 4張門票,她說:「有人打嚟話肥婆 4,000蚊 4張,我答佢 4萬都冇,叫我肥婆咁衰格,女人好介意俾人話肥同叫做豬扒。」及後她唱出《 Mama I Love You》時忍不住落淚。
到葉麗儀獨唱時,她提及之前到內地出席頒獎禮的經歷,當時她憑《上海灘》一曲得到世紀金曲,她說:「當時我見到個 15、 6歲女藝人,有一班人跟住佢,之後佢問我『葉老師,可唔可以同你合照?』我咪以為咁後生女仔都識我,點知佢話係影畀佢阿婆,我心情即時跌晒。」後來大會又頒發了一個終身成就獎給她,葉麗儀發現兩個獎上都沒有其名字,事後她老公向她解釋說:「點解你仲要問,唔寫名,即係你唔嚟可以畀第二個。」她即笑言:「原來我老公聰明過我好多。」及後三人唱出 80年代經典電視劇主題曲,向羅文、黃霑以及顧嘉煇致敬。

Source from http://hk.apple.nextmedia.com/